Soňky habar

Sahra Ghulam Nabi

Taýýarlan Sahra Ghulam Nabi

Oktýabr 16, 2018
Ak öý, Berdimuhamedowyň kitaplary... Türkmenler Täjigistana näme getirdi?

14-15-nji oktýabrda Täjigistanda geçirilen Türkmenistanyň Medeniýet günlerine 350-den gowrak sungat işgäri gatnaşdy. Medeniýet günlerinde Türkmenistanyň prezidenti Gurbanguly Berdimuhamedowyň eserleriniň wasp edilmegi bu ýere baran täjik tomaşaçylaryny geň galdyrdy.
Oktýabr 16, 2018
Döwlet dükanlarynda un iki gün bäri satylmaýar; dollar gaýtadan gymmatlaýar

Türkmenistanda dollaryň “gara bazardaky” nyrhy gaýtadan ýokarlanýan mahaly, döwlet eýeçiligindäki dükanlarda un indi iki gün bäri satylmaýar. Bu barada Azatlyk Radiosynyň Aşgabatdaky, Lebapdaky, Balkandaky habarçylary we Daşoguzdaky çeşmesi habar berýär.
Oktýabr 15, 2018
Türkmen häkimiýetleri okuw kitaplarynyň ýetmezçiligini gytaklaýyn boýun aldy

Türkmen häkimiýetleri şu ýylda çap edilmegi göz öňünde tutulan okuw kitaplarynyň we gollanmalarynyň diňe dörtden üç böleginiň çap edilendigini aýdyp, okuw kitaplarynyň ýetmezçiligi baradaky problemany gytaklaýyn boýun aldylar.
Oktýabr 15, 2018
Lebapda okuwçylar mekdebe däl-de, pagta meýdanlaryna gatnaýar, hojalyk işleri bilen meşgullanýar

Şu günler Lebap welaýatynyň mekdeplerinde okuwdan galýan, mekdebe gatnamaýan okuwçylaryň sany köpelýär. Käte hepdeläp okuwa barmaýan okuwçylaryň köpüsi öý hojalyk işleri bilen meşgullanýarlar ýa-da pagta meýdanlaryna çykýarlar diýip, bu welaýatdaky habarçymyz aýdýar.
Oktýabr 12, 2018
Aşgabatda çilim soňky bir aýda tas iki esse gymmatlady

Türkmenistanyň döwlete degişli dükanlarynda çilim indi bir ýarym aý çemesi wagt bäri satylmaýan mahaly, onuň hususy eýeçilikdäki dükanlardaky bahasy barha gymmatlaýar.
Oktýabr 11, 2018
Ýohan Bihr: Berdimuhamedow beren wadalaryny iş ýüzünde amal etmeýär

Türkmenistanyň prezidenti Gurbanguly Berdimuhamedow 9-njy oktýabrda döwlet telewideniýesiniň “Türkmen owazy” teleradioýaýlymynyň başlygy Şöhrat Goçyýew Annagulyýewiçi wezipesinden boşatdy.
Oktýabr 11, 2018
Aşgabadyň hususy dükanlarynda möhleti geçen harytlar satylýar

Türkmenistanda azyk gytçylygynyň we gymmatçylygynyň fonunda, Aşgabadyň hususy eýeçilikdäki dükanlarynda ulanyş möhleti geçen harytlar satylyp başlandy.
Oktýabr 10, 2018
Parahat etrapçasynyň ýaşaýjylary 20 sagada golaý suwsuz galdy

Düýn giçlik, has takygy 9-njy oktýabrda Aşgabat şäheriniň Parahat-2 we Parahat-3 etrapçalarynda suw kesilip, bu etrapçalaryň aglaba böleginde şu gün öýläne çenli suw berilmedi.
Oktýabr 09, 2018
Aşgabatda çagalary Gökderä ugratmak boýunça nobatdaky çäre başlandy

Türkmenistanyň umumy bilim berýän orta mekdeplerinde güýzki kanikullaryň başlanmagyna on güne golaý wagt galanda, türkmen häkimiýetleriniň çagalary Gökderedäki çagalar dynç alyş merkezine ugratmak boýunça nobatdaky çäresi başlady.
Oktýabr 09, 2018
Täjigistanda okamak isleýän türkmen ýaşlary ýurtdan goýberilmeýär

Täjigistanyň ýokary okuw jaýlarynda okamak isleýän türkmenistanly studentleriň ýüzlerçesi ýurtdan goýberilmeýär.
Oktýabr 08, 2018
Türkmenistanda bilet gytçylygy: Ýanwar aýyndan bärde bilet ýok

Türkmenistanda uçar biletleriniň gytçylygy emele geldi. Häzirki wagt Türkiýe, Belarus, Russiýa ýaly ýurtlara gitmek isleýän raýatlar para berip, biletleri satyn almaga synanyşýarlar.
Sentýabr 26, 2018
Azatlygyň çörek nobaty baradaky wideosyndan soň, nobata duran adamlar soraga çekilýär

Azatlyk Radiosynyň websaýtynda Daşoguz welaýatynda çörek nobatyna garaşýan adamyň nägileligini görkezýän wideo çap edilensoň, Türkmenistanyň Milli howpsuzlyk ministrliginiň (MHM) işgärleri bu nobatdaky adamlary soraga çekýärler. Bu barada Azatlygyň Daşoguz welaýatyndaky habarçysy habar berýär.
Sentýabr 25, 2018
Daşoguzda bolan ýol heläkçiliginde dört mekdep okuwçysy öldi

Daşogzuň etraplarynyň birinde bolan ýol heläkçiliginde dört mekdep okuwçysy öldi diýip, Azatlyk Radiosynyň bu welaýatdaky habarçysy habar berýär.
Sentýabr 25, 2018
Daşary döwletlere gidýän we gymmat ulaglary satyn alýan raýatlar soraga çekilýär

Türkmenistanda daşary döwletlere dynç almaga gidýän we gymmat bahaly awtoulaglary satyn alýan raýatlaryň ençemesi ýurduň Milli howpsuzlyk ministrliginiň (MHM) resmileri tarapyndan soraga çekilýär.
Sentýabr 24, 2018
Türkmenistanda azyk gytçylygy dowam edýär, nobatlarda aýallar özaralarynda uruşýar

Türkmenistanyň paýtagtynda we welaýatlarynda azyk gytçylygynyň dowam edýändigini, harytlary satyn almak üçin nobata durýan adamlaryň arasynda uruş-dawanyň hem bolýandygyny, Azatlyk Radiosynyň ýurt içindäki habarçylary aýdýarlar.
Sentýabr 24, 2018
Ahalyň we Daşogzuň býujet işgärleri gozasy açylmadyk gowaçalary ýygmaga mejbur edilýär

Şu günler Daşoguz we Ahal welaýatlarynyň käbir etraplarynda býujet işgärleri gozasy açylmadyk gowaçalary ýygmaga mejbur edilýär. Bu barada Azatlyk Radiosynyň ýurt içindäki habarçylary habar berýärler.
Sentýabr 21, 2018
Türkmenistanda daşary ýurtlardaky türkmen studentleriniň 'tölenen okuw tölegleri geçirilmeýär'

Türkmenistanda daşary ýurtlaryň ýokary okuw jaýlarynda okaýan studentleriň tölenen okuw töleglerini geçirmekdäki kynçylyklar dowam edýär.
Sentýabr 21, 2018
Azatlyga 'azyk bolçulygyny' mazamlaýan ýasama towukly, satyjysyz tekjeleriň suratlary gelip gowuşdy

Türkmenistanda azyk gytçylygy ýiti duýulýan mahaly, Azatlyk Radiosynyň Aşgabatdaky habarçysy ýurtda azyk bolçulygyny mazamlaýan ýasama towukly, satyjysyz tekjeleriň suratyny iberdi.
Sentýabr 20, 2018
Aşgabatda çagalar baglarynyň tölegleriniň ýene iki esse gymmatladyljakdygy aýdylýar

Aşgabadyň 67-nji çagalar bagyna gatnaýan çagalaryň ene-atalaryna 1-nji oktýabrdan başlap, tölegleriň gymmatladyljakdygyny mälim etdiler diýip, “Hronika Türkmenistan” neşiri habar berýär.
Sentýabr 20, 2018
Aşgabatda we Lebapda täze jaýlar açylýar, Daşoguzda olaryň 400-si boş dur

Türkmenistanyň resmi mediasy Garaşsyzlyk baýramynyň öň ýanynda ýaşaýyş jaýlarynyň ençemesiniň açylyş dabarasynyň bolandygy barada habar berýän mahaly, ýurtda öňden bar bolan ýaşaýyş jaýlarynyň köpüsiniň boş durandygyny, Azatlyk Radiosynyň ýurt içindäki habarçylary we çeşmeleri habar berýärler.

Ýene-de ýükle

XS

SM

MD

LG