Türkmenistan şu ýyl 1.6 million tonna möçberde bugdaý hasylynyň ýygnalmagyna garaşýar. Ýurtda hasyl ýygnamak kampaniýasyna giňden taýýarlyk görülýändigi barada geçen aýyň ortalarynda habar berlipdi. Daýhanlar bolsa bugdaýyň zerur derejede boý alyp bilmeýändigini gürrüň berýärler we munuň öz sebäpleriniň bardygyny aýdýarlar.
Azatlyk Radiosynyň habarçysy Soltan Açylowa Daşoguz welaýatynyň Gurbansoltan eje etrabyndan özüni Gylyç diýip tanadan kärendeçi daýhan bilen söhbetdeş boldy.
