3-nji aprelde Türkmenistanyň prezidenti Serdar Berdimuhamedow Özbegistanyň Samarkant şäherinde geçirilýän ilkinji Merkezi Aziýa – Ýewropa Bileleşigi sammitiniň çäklerinde Ýewropa Komissiýasynyň prezidenti Ursula fon der Leýen we Ýewropa Geňeşiniň başlygy Antonio Koşta bilen duşuşdy.
Duşuşyklarda Türkmenistan bilen Ýewropa Bileleşiginiň arasyndaky hyzmatdaşlygyň ösdürilmegi, hususan-da, energiýa, söwda we ulag-logistika ugurlary boýunça hyzmatdaşlygyň giňeldilmegi meseleleri ara alnyp maslahatlaşyldy.
Türkmenistan bilen Ýewropa Bileleşiginiň arasyndaky hyzmatdaşlyk deňhukuklylyk, birek-birege hormat goýmak we özara bähbitlilik ýörelgeleri esasynda ösdürilýär diýip, resmi metbugatda aýdylýar.