Şu gün, ýagny 4-nji dekabrda Aşgabadyň Maslahatlar köşgünde Ýaşulylar maslahaty geçirilýär diýip, türkmen telewidenýesinde habar berilýär. Şol bir wagtda onda gürrüňi ediljek meseleleriň jikme-jikleri barada henize çenli takyk maglumat berilmeýär.
Mälim bolşy ýaly bu maslahata ýurduň dürli welaýatdyr etraplaryndan ýaşulular gatnaşýar. Maryly ýaşuly bu maslahata gatnaşýan ýaşulularyň taýýarlyklary, olaryň almaly bolýan egin-eşikleri barada gürrüň berýär.
Mary welaýatynyň Serhetabat etrabynyň Ýeňiş daýhan birleşiginden özüni Agajuma diýip tanyşdyran oba ýaşaýjysy bilen Azatlyk Radiosynyň Türkmenistandaky habarçysy Soltan Açylowa söhbetdeş boldy.
