Soňky habar

Sahra Ghulam Nabi

Taýýarlan Sahra Ghulam Nabi

Aprel 18, 2019
Ene-atasy Türkiýede işleýän çagalaryň dogan-garyndaşlaryndan dilhaty alynýar

Lebap welaýatynda ene-atasy Türkiýede işleýän çagalaryň dogan-garyndaşlaryndan dilhaty alynýar. Onda çaganyň hossarlaryndan onuň özleriniň gözegçiligindedigini we haýsydyr bir hadysa bolan ýagdaýynda, jogapkärçiligi öz boýnuna alýandyklaryny tassyklap, gol goýmak talap edilýär.
Aprel 17, 2019
‘Gazprom’ 30-njy iýuna çenli 1,155 milliard kub metr türkmen gazyny satyn almagy planlaşdyrýar

Moskwa türkmen gazyny täzeden import edip başlan mahaly, Russiýanyň döwlet eýeçiligindäki “Gazprom” kompaniýasy Türkmenistandan 2019-njy ýylyň 30-njy iýunyna çenli 1,155 milliard kub metr gazy satyn almagy planlaşdyrýandygyny aýtdy.
Aprel 16, 2019
Russiýa türkmen gazyny täzeden import edip başlady

Russiýanyň döwlet eýeçiligindäki “Gazprom” kompaniýasy Türkmenistandan tebigy gazy täzeden import edip başlandygyny aýdýar. “Gazprom” türkmen gazyny satyn almagy mundan üç ýyl ozal bes edipdi.
Aprel 12, 2019
Sosial ulgamlarda taksi temasyny ýaňsa alýan suratlar we degişmeler peýda bolup başlady

Türkmenistanda, aýratynda Aşgabatda hususy awtoulagynda kireý edýän sürüjilere garşy gözegçilikler güýçlendirilip, şäherde hususy taksileri tapmagyň kynlaşan mahaly, sosial ulgamlarda taksi temasyny ýaňsa alýan suratlar, wideolar we degişmeler peýda bolup başlady.
Aprel 12, 2019
Türkmenistan BSGG-niň güwänamasy bilen sylaglandy

Türkmenistan ýokanç däl keselleriň öňüniň alynmagyna goşan uly goşandy üçin Bütindünýä saglygy goraýyş guramasynyň güwänamasy bilen sylaglandy diýip, Türkmen döwlet habarlar agentligi (TDH) habar berýär.
Aprel 11, 2019
Serdar Berdimuhamedow ýylyň başyndan bäri bäşinji desganyň açylyş dabarasyna gatnaşdy

9-njy aprelde Türkmenistanyň prezidenti Gurbanguly Berdimuhamedowyň ogly Serdar Berdimuhamedow Ahal welaýatynyň Bäherden etrabynyň Garagan obasynda gazbeton önümlerini öndürýän zawodlar toplumynyň açylyş dabarasyna gatnaşdy.
Aprel 11, 2019
Paýtagtyň awtobuslarynda aýallar we erkekler özarasynda dawalaşýar; ilat häkimiýeti aç-açan tankyt edýär

Soňky günlerde, hususan-da günüň birinji ýarymynda Aşgabadyň jemgyýetçilik awtobuslary adamlardan hyryn-dykyn dolýar. Aýallar bilen erkekler ýeriň üstünde dawalaşýar diýip, Azatlyk Radiosynyň paýtagtdaky habarçylarynyň biri aýdýar.
Aprel 10, 2019
Türkmen ilçisi gyzlaryň jinsi geýmegini, oglanlaryň sakgal goýbermegini gadagan etdi

Türkmenistanyň Belarusdaky ilçisi student gyzlaryň jinsi balak, ýubka geýmegini we oglanlaryň sakgal goýbermegini gadagan etdi. Bu barada Belarusyň ýokary okuw jaýlarynda okaýan türkmen studentleriniň ençemesi habar berýär.
Aprel 09, 2019
Aşgabatda her adama günde 10 ýumurtga satylýar

Aşgabadyň söwda nokatlarynda we dükanlarynda towuk ýumurtgasy gaýtadan satylyp başlandy. Ýöne ýaşaýjylar ondan günde çäkli möçberde satyn alyp bilýärler diýip, Azatlyk Radiosynyň paýtagtdaky habarçylarynyň biri aýdýar.
Aprel 08, 2019
MTS bilen bagly dawada Türkmenistany gorap çykyş etjek aklawçy kesgitlendi

MTS bilen bagly dawada Türkmenistany Inwestisiýa dawalaryny çözmek baradaky halkara merkezinde (ICSID) aklawçy Miriam Harwood gorap çykyş eder diýip, “Hronbika Türkmenistan” neşiri “biglawbusiness.com” websaýtynda salgylanyp habar berýär.
Aprel 05, 2019
Balkana we Mara gelen silden soň, türkmen häkimiýetleri siliň öňüni almak üçin emeli kanallary gurýar

Türkmen häkimiýetleri Ahal we Balkan welaýatlarynyň käbir etraplarynda siliň öňüni almak üçin emeli kanallary gurýarlar diýip, Azatlyk Radiosynyň Aşgabatdaky habarçylarynyň biri habar berýär. Bu waka ýurduň birnäçe welaýatynyň etraplaryny sil suwunyň basmagynyň yzýanyna gabat geldi.
Aprel 04, 2019
Gowaça ekişine girişilen mahaly, lebaply kärendeçiler tehnikanyň üpjün edilmeýändigini aýdýarlar

Türkmenistanyň döwlet mediasy ýurtda gowaça ekişine badalga berlip, munuň üçin ähli şertleriň döredilendigi barada reportažlar görkezýän mahaly, lebaply kärendeçiler oba hojalyk tehnikalarynyň üpjün edilmeýändiginden we ekişiň gijä galmagyndan kösenýändiklerini aýdýarlar.
Aprel 02, 2019
Aşgabat-Türkmenbaşy ýolunda bolan ulag heläkçiliginde dört adam öldi we başga-da 10-a golaýy ýaralandy

Sil gelendigi sebäpli zyýan ýeten Aşgabat-Türkmenbaşy asfalt ýolunda ulag heläkçiligi boldy. Wakada dört adamyň ölendigini we başga-da 10-a golaýynyň ýaralanandygyny, Azatlyk Radiosynyň 1-nji aprelde heläkçiligiň bolan ýerine sapar eden habarçysy aýdýar.
Aprel 02, 2019
GDA-nyň nobatdaky mejlisi 11-nji oktýabrda Aşgabatda geçiriler

Garaşsyz Döwletleriň Arkalaşygynyň (GDA) döwlet baştutanlarynyň geňeşiniň nobatdaky mejlisi şu ýylyň 11-nji oktýabrynda Aşgabatda geçiriler.
Aprel 01, 2019
Aşgabatda dollaryň ‘gara bazardaky’ nyrhy 19 manatdan aşdy

Aşgabatda amerikan dollarynyň “gara bazardaky” nyrhy gaýtadan gymmatlap, 1-nji aprelde onuň “gara bazardaky” bahasy 19 manatdan hem aşdy.
Aprel 01, 2019
Türkmenistanda saýlawçylaryň 91%-i ses berdi, saýlawlara diňe ýerli synçylar syn etdi

31-nji martda Türkmenistanda aýry-aýry saýlaw okruglary boýunça Mejlisiň möhletinden öň çykyp giden deputatlarynyň, halk maslahatlarynyň we geňeşleriň agzalarynyň ýerine saýlawlar geçirildi.
Mart 29, 2019
Aşgabatda awtoulaglaryň gara disklerini satýan dükanlar nyşana alynýar

Aşgabadyň häkimiýetleri awtoulaglaryň gara disklerini satýan dükanlary nyşana alyp, olarda barlaglar geçirýärler, gara diskleri satýan söwda nokatlaryny ýapýarlar diýip, Azatlyk Radiosynyň paýtagtdaky habarçylarynyň biri habar berýär.
Mart 28, 2019
Daşogzuň ilaty ‘gowaça ekişine girişmek’ dabarasyna bir hepdeläp taýýarlandy

Türkmenistanyň Daşoguz welaýatynda býujet işgärleri, ýokary okuw jaýlarynyň studentleri, mekdep okuwçylary we ýaşulular ýurduň döwlet telekanallary üçin surata alnan “gowaça ekişine girişmek” dabarasyna taýýarlyk çärelerine bir hepdeläp mejbury gatnaşdyryldy.
Mart 28, 2019
Almatynyň aeroporty ‘Türkmenhowaýollaryndan’ nägile bolýar

Gazagystanyň Almaty şäheriniň halkara aeroporty “Türkmenistan howaýollary” kompaniýasynyň ýolagçy goşlaryny transport etmek bilen bagly düzgünleri bozýandygyny aýdyp, onuň işinden nägile bolýar.
Mart 27, 2019
Türkmen DIM-niň resmisi ýerli ilatyň sil suwundan ejir çekendigini inkär edýär

Türkmenistanyň Daşary işler ministrligi Eýranda güýçli çagba ýagmyrlarynyň netijesinde bolup geçen suw joşgunlaryndan ejir çeken welaýatlarynyň ilatyna özüniň duýgudaşlygyny beýan etdi.

Ýene-de ýükle

XS

SM

MD

LG