Türkmenistanyň Lebap welaýatynda prezident Gurbanguly Berdimuhamedowyň saparyna görülýän taýýarlyklar güýçlendirilip, bu çäre bilen bagly döwlet edara-kärhanalarynda ýörite ýygnaklar geçirildi.
Türkmenistanyň Ykdysady jenaýatlara garşy göreş gullugynyň işgärleri Daşogzuň Köneürgenç we Ahalyň Bäherden etraplaryndaky un zawodlarynda barlaglary geçirýärler.
Aşgabat şäherinde we Balkan welaýatynda ýazky nahal oturtmak çäresi üçin döwlet býujetinden aýlyk alýan işgärlerden 10 manat möçberinde pul talap edilýär.
Ukrainanyň paýtagty Kiýewde ýitirim bolan türkmenistanly student Mukaddes Nasyrlaýewany gözlemek işleri dowam edýär. Türkmenistanyň Daşoguz welaýatynyň ýaşaýjysy Nasyrlaýewa mundan iki hepde gowrak wagt öň ýitirim boldy.
Daşogzuň howpsuzlyk gullugynyň işgärleri namaz okaýan ýa-da metjide gatnaýan adamlary soraga çekip, olardan namaz okamazlygy talap edip başladylar diýip, Azatlyk Radiosynyň bu welaýatdaky habarçylary we çeşmeleri aýdýarlar.
Düýn, ýagny 13-nji fewralda Aşgabadyň halkara aeroportynda aglabasy lebaply we daşoguzly zenanlardan ybarat ýolagçylar protest geçirdiler diýip, Azatlyk Radiosynyň paýtagtdaky çeşmeleri aýdýarlar.
Türkmenistanyň prezidenti tarapyndan ýurduň Maliýe we ykdysady ösüş ministrligine girdeji getirmeýän edara-kärhanalara goýberilýän döwlet dotasiýasyny, ýagny maliýe ýardamyny azaltmak barada anyk görkezme berildi diýip, Azatlyk Radiosynyň çeşmeleri habar berýärler.
1-nji fewraldan başlap, Türkmenistanyň Merkezi Banky daşary ýurtlardan harytlary import edýän telekeçileriň manatlaryny dollara konwertasiýa etmek düzgünlerini gaýtadan dikeltdi diýip, “Türkmenistandan Alternatiw habarlary” neşiri habar berýär.
Türkmenistanyň prezidenti Gurbanguly Berdimuhamedowyň Lebaba etjek saparynyň dowamynda, ony garşy aljak adamlaryň uniforma, ýagny ýörite geýim geýmelidigini, Azatlyk Radiosynyň bu welaýatdaky habarçylary aýdýarlar.
Aşgabat-Balkan asfalt ýolunda mikroawtobus bilen ýeňil awtoulagyň ýol heläkçiligine uçramagy netijesinde, azyndan dört adam öldi we başga-da 10-a golaýy ýaralandy diýip, Azatlygyň ýerli habarçylary aýdýarlar.
Türkmenistanyň paýtagty Aşgabatda we welaýatlarda dollaryň “gara bazardaky” nyrhy häli-şindi üýtgäp, käbir regionlarda 13 manatdan hem aşdy.
Türkmenistanyň Lebap welaýatynyň paýtagty Türkmenabat şäherinde prezident Gurbanguly Berdimuhamedowyň etjek saparynyň öňüsyrasynda, köpçülikleýin arassaçylyk işleri geçirilip, howpsuzlyk çäreleri güýçlendirilýär.
Okuw maksatly daşary ýurtlara gidýän türkmen talyplaryndan Türkmenistanyň Bilim ministrligine degişli ýerli bilim bölümlerinde hasaba durmak talap edilýär.
Aşgabadyň döwlet edara-kärhanalarynda işgärlere ýanwar aýy üçin zähmet haklarynyň berlip başlanmagy bilen, býujet işgärleri öz plastik kartlaryndaky aýlyklaryny nagtlaşdyranlarynda, täze çäklendirmeler bilen ýüzbe-ýüz bolýarlar.
Lebap welaýatynda internetden peýdalanýan ýaşaýjylar “VPN” we “Psiphon” proksi serwerleri arkaly Türkmenistandaky petikli saýtlara girjek bolanlarynda, özleriniň WiFi internet arabaglanyşygynyň kesilýändigini aýdýarlar.
Türkmenistanda – benziniň bahasynyň ýokarlanmagynyň fonunda – ýerli firmalar tarapyndan öndürilýän süýt-gatyk önümleri ortaça 100% gymmatlady.
Türkmenistanda – benziniň bahasynyň ýokarlanmagynyň fonunda – hususy eýeçilikdäki transport serişdeleriniň, azyk önümlerinden etiň we plastik gaplara gaplanan suwuň bahasy gymmatlady.
2017-nji ýylda Türkmenistanyň 74 000 raýaty Russiýanyň Migrasiýa gullugynda hasaba durdy diýip, “Fergana” neşiri Russiýanyň Içeri işler ministrliginiň Baş migrasiýa müdirligine salgylanyp ýazýar.
Türkmenistanda çagalar baglarynyň tölegleriniň 10 esse gymmatladylandygyna garamazdan, çagalara berilýän bilimiň we iýmitiň hiliniň gowulanmaýandygyny, Azatlygyň okyjylary we ýerli çeşmeleri aýdýarlar.
29-njy ýanwarda Türkmenistanyň prezidenti Gurbanguly Berdimuhamedow iş sapary bilen ýurduň günbatar welaýaty Balkana bardy. Türkmen döwlet habarlar (TDH) gullugynyň maglumatyna görä, Türkmenbaşy şäheriniň halkara aeroportynda Berdimuhamedowy “resmi adamlar” garşyladylar.
Ýene-de ýükle
