Aşgabadyň halkara aeroportyndan Türkiýä we Dubaýa gitmegine rugsat berilmedik türkmen raýatlarynyň atlarynyň Türkmenistanyň Migrasiýa gullugynyň “gara sanawyna” goşulandygyny, uçara goýberilmedik türkmenistanlylar aýdýarlar.
Türkmenistanda daşary döwletlere pul ibermek we ýurduň daşyndan ugradylan puly kabul etmek üçin niýetlenen “MoneýGram” kompaniýasynyň Aşgabatdaky ýeke-täk ofisi ýapyldy.
Türkmenistanda azyk we senagat harytlarynyň gymmatlamagynyň we käbiriniň gytalmagynyň fonunda, Aşgabatda soňky ulanyş möhleti geçen önümleriň satylyp başlanandygyny, Azatlygyň ýurt içindäki çeşmeleri aýdýarlar.
Türkmenistanda raýatlaryň işsizlikden we işe ýerleşende talap edilýän kepilnamalary almak üçin pulsuzlykdan kösenýändigini, Azatlyk Radiosynyň ýurt içindäki çeşmeleri aýdýarlar.
Türkmenistanda 21-nji martda bellenilýän Nowruz baýramyna bagyşlanyp geçiriljek baýramçylyk çärelerine köpçülikleýin taýýarlyk görlüp başlandy. Bu waka türkmen prezidenti Gurbanguly Berdimuhamedowyň Nowruz baýramy mynasybetli guraljak çäreleri ýokary guramaçylyk derejesinde geçirmegi tabşyrmagyndan iki gün soňa gabat geldi.
Türkmenistanda býujet işgärleriniň plastik bank kartlary arkaly bankomatlardan gündelik alyp bilýqn puluň möçberi ýene çäklendirilip, bu çäk Aşgabatda 1000 manatdan 800 manada, welaýatlarda 300 manatdan 200 manada azaldyldy.
Türkmenistanda un gytçylygynyň dowam edýän mahaly, prezident Gurbanguly Berdimuhamedow geçen ýyl ýurt boýunça ýygnanan galla hasylynyň möçberini üýtgedip, onuň 1 milliondan gowrak däl-de, 1 ýarym milliondan gowrak bolandygyny aýtdy.
Ukrainanyň iň abraýly ýokary okuw jaýlarynyň biri hasaplanýan we türkmenistanly ýaşlar tarapyndan hem ýykgyn edilýän Aleksandr Bogomoles adyndaky döwlet medisina uniwersitetinde parahorlyk faktlarynyň bardygy barada ukrain media serişdelerinde habar berilýär.
Aşgabat şäherindäki we Balkan welaýatyndaky pensionerleriň plastik bank kartlaryna 8-nji mart, ýagny Halkara zenanlar güni mynasybetli berilmeli 40 manat möçberindäki pul sowgady geçirilmedi.
Türkmenistanyň prezidenti Gurbanguly Berdimuhamedow “ýaş hünärmenleri işe ýerleşdirmek ulgamyny kämilleşdirmek” üçin 2018-2020-nji ýyllar boýunça ýörite maksatnamanyň taslamasyny kabul etdi we bu baradaky karara gol goýdy.
Aşgabatda senagat harytlarynyň bahasy ýene-de ýokarlanyp, ýurduň daşyndan import edilýän önümler ortaça 30-40% gymmatlady.
Visa kompaniýasy Türkmenistanda Visa kartlarynyň togtadylandygyny ret edýär
Türkmenistanda 8-nji mart, ýagny Halkara zenanlar güni mynasybetli türkmen prezidenti Gurbanguly Berdimuhamedowyň adyndan aýal-gyzlara pul sowgady gowşurylýar.
Aşgabatda awtoulag sürýän aýal-gyzlaryň öz sürüjilik şahadatnamasynyň möhletini uzaltmakda kynçylyk çekýändigi barada “Türkmenistandan alternatiw habarlar” neşiri ýazýar.
Türkmenistanda raýatlaryň Visa bank kartlaryna pul salmak we bu serişdäni daşary ýurtlarda nagtlaşdyrmak ýa-da nagt däl hasaplaşyklary amala aşyrmak düzgünleriniň togtadylandygyny, türkmen banklarynyň jogapkär resmileri aýdýarlar.
Türkmenistanyň Lebap welaýatyndaky döwlet edara-kärhanalarynyň her birinden ortaça 3-6 adam şu ýylyň aprel aýynda geçirilmegi planlaşdyrylýan welosipedli ýörişlere gatnaşmaly edildi diýip, Azatlyk Radiosynyň bu welaýatdaky habarçysy aýdýarlar.
Türkmen diplomatlary student Mukaddas Nasyrlaýewanyň wizasynyň möhletini uzaltmak we ýaşaýyş rugsatnamasyny tassyklamak meselesi boýunça kömek etmegi sorap, Ukrainanyň Aleksandr Bogomoles adyndaky döwlet medisina uniwersitetine resmi taýdan ýüz tutmadylar diýlip, agzalýan ÝOJ-yň Facebook sahypasyndaky beýanatynda aýdylýar.
Türkmenistanyň Döwlet daşary ykdysady iş banky (TDDYIB) müşderileriň dürli halkara hyzmatlary arkaly nagt däl tölegleri amala aşyrmak mükinçiligini togtatdy diýip, “Türkmenistandan alternatiw habarlar” neşiri habar berýär.
Aşgabadyň bazarlarynda we söwda nokatlarynda senagat we käbir azyk harytlarynyň bahalarynyň ýokarlanmagy yzygiderli dowam edip, bu gymmatlamanyň möçberi soňky 10 günüň dowamynda ortaça 80%-a barabar boldy.
Türkmenistanyň Daşoguz welaýatynyň merkezi şäherindäki we etraplaryndaky ýangyç guýulýan stansiýalarda A-95 markaly benziniň tapdyrmaýandygyny, Azatlyk Radiosynyň bu sebitdäki çeşmeleri habar berýärler.
Ýene-de ýükle
