Garaşsyz türkmen žurnalisti Soltan Açylowa Türkmenistanyň Döwlet Migrasiýa gullugyndan resmi jogap gelip gowşup, onda žurnalistiň ýurduň çäginden çykmagyna girizilen çäklendirmäniň öz güýjünde saklanýandygy aýdylýar.
Ahal welaýatynyň Bagyr obasynda howly jaýlary ýykylan onlarça maşgala mekdepleriň sport zallarynda ýaşaýar diýip, Azatlyk Radiosynyň Aşgabatdaky habarçylarynyň biri habar berýär.
Azatlyk Radiosyna Türkmenistanyň goşunynda gulluk eden bir esgeriň duýdansyz aradan çykandygy we onuň maşgalasynyň esgeriň ölümini gaýtadan medisina barlagyndan geçirmek barada eden talaplarynyň diňlenmeýändigi hakynda maglumat gelip gowuşdy.
24-25-nji iýulda Aşgabatda Terrorçylyk işine garşy durmak boýunça ÝHHG-nyň seminary geçirildi. Bu soňky iki aýyň dowamynda Aşgabatda terrorçylyga garşy göreş çäreleri boýunça geçirilen üçünji maslahatdyr.
Lebap welaýatynyň Türkmenabat şäherindäki jemgyýetçilik transportlarynda bildirişler asylyp, onda sarp edilen elektrik energiýasynyň tölegini aýma-aý tölemedik ýaşaýjylaryň togunyň kesiljekdigi we işiň kazyýete geçiriljekdigi duýdurylýar.
2018-nji ýylda Türkmenistanyň 50 müňe golaý raýaty Türkiýä göçüp geldi. Bu barada Türkiýäniň statistika gullugynyň ýaýradan täze hasabatynda aýdylýar.
Türkmenistanyň Mary şäheriniň bankomatlarynda nagt pul ýetmezçiligi dowam edýär. Howanyň gyzgynlygy 46 gradusa çenli ýetýän şu günlerde şäheriň ýaşaýjylarynyň ençemesi zähmet we talyp haklaryny nagtlaşdyrmak üçin bankomatlaryň ýerleşýän ýerlerine aýlanýarlar.
Türkmenistanyň Mary welaýatynda “Türkmengaz” döwlet konserniniň işgärleri öz aýlyk haklarynyň gijikdirilmeginden kösenýän bolsa, beýleki edara-kärhanalaryň işgärleri plastik bank kartlaryna geçirilen zähmet haklaryny nagtlaşdyrmakda kynçylyklar bilen ýüzbe-ýüz bolýarlar.
Azatlyk Radiosynyň Marydaky habarçylarynyň biriniň tassyklamagyna görä, welaýatyň tas ähli etraplarynda we daýhan birleşiklerinde kärendeçi daýhanlar gowaça eken meýdanlaryna ekiş suwuny tutmak işlerini öz wagtynda amala aşyrmakda dürli kynçylyklar bilen ýüzbe-ýüz bolýarlar.
Türkmenistanda ýarawsyz ýaşlaryň çagyryş boýunça harby gulluga alnyp gidilýändigi barada maglumatlaryň peýda bolmagy dowam edýär.
Daşoguzda howanyň gyzgynlygy 47 gradusa çenli ýetýän şu günlerde ýaşaýjylar, şol sanda söwdegärler we edara-kärhanalar elektrik energiýasynyň üpjünçiliginiň yzygiderli kesilmeginden ejir çekýärler. Bu barada Azatlyk Radiosynyň bu welaýatdaky çeşmeleri habar berýär.
16-njy iýulda Aşgabadyň 10-njy etrapçasyndaky köp gatly ýaşaýyş jaýlarynyň birinde gaz partlamasy boldy we binanyň ýokary gatyndaky otaglaryň käbiri bölekleýin opruldy.
Türkmenistanyň Mary welaýatynda Polisiýanyň ýol gözegçiligi gullugynyň (PÝGG) işgärleri hususy eýeçilikdäki ulagynda kireý edýän sürüjiler bilen bir hatarda, awtoulagly raýatlary hem saklap, olara dürli bahanalar bilen pul jerimesini salýarlar.
Ýewropa Bileleşigi bilen Türkmenistan türkmen gazyny Ýewropa akdyrmak boýunça çarçuwaly ylalaşygyň üstünde işleýär diýip, “Neýtralnyý Türkmenistan” gazetine salgylanyp, “Praým” neşiri habar berýär.
Hindi metbugaty ýurduň paýtagtynda bolýan aýylganç ýol hadysalary barada wideo çap edip, fewralda bolan köçe hadysasynda ejir çeken türkmen raýatlarynyň atlaryny mälim etdi.
Türkmenistanda türk ruhanasy Fethullah Güleniň “Hyzmat” hereketi bilen ilteşikli bolmakda güman edilip, ýyl kesilendigi aýdylýan mugallym Eziz Hudaýberdiýewiň türmede aradan çykandygyny, Azatlyk Radiosynyň çeşmesi tassyklady.
Türkmenistanda ýaşlary çagyryş boýunça harby gulluga almagyň ýazky möwsüminiň tamamlanandygyna garamazdan, 18 ýaşy dolan oglanlary, hatda ýarawsyz ýaşlary harby gulluga alyp gitmek çäresi dowam edýär. Bu barada “turkmen.news” neşiri habar berýär.
Türkmenistanda ýokanç keseller bilen kesellän raýatlara köplenç hakyky diagnozyň goýulmaýandygyny, Azatlyk Radiosynyň ýurt içindäki habarçylary habar berýärler.
Azatlyk Radiosynyň Lebap we Daşoguz welaýatlarynyň pagtaçylarynyň tehnika ýetmezçiliginden kösenýändigi barada çap eden habaryndan bir gün soň, döwlet telewideniýesi gowaça meýdanlaryna edilýän ideg işleriniň agrotehnikanyň talaplaryna laýyklykda alnyp barylýandygy hakda reportaž görkezdi.
Türkmenistanyň dürli welaýatlarynda benzin we dizel ýangyjynyň gytçylygy dörän mahalynda, türkmen hökümeti ynsanperwer kömek hökmünde goňşy Owganystana ekologiýa taýdan arassa ýangyç iberdi.
Ýene-de ýükle
