Türkmenistan Owganystanyň “Talyban” dolandyryjylaryna serhetüsti derýalardan suw almak işlerinde ylmy taýdan esaslandyrylan we tassyklanan çemeleşmäniň zerurdygyny, ilkinji nobatda suw çeşmelerini ulanmagyň hakyky zerurlyklaryny göz öňünde tutulmalydygyny aýtdy. Bu barada Türkmenistanyň Daşary işler ministrligi 7-nji martda beýanat ýaýratdy.
Dokumentde göni aýdylmasa-da, munuň Owganystanda “Talyban” dolandyryjylarynyň Amyderýanyň akabasynyň ugry boýunça çekýän ägirt uly Koştepe kanaly bilen ilteşiklidigine meňzeýär.
Amyderýadan gözbaş aljak kanal doly işe girizilse, derýanyň Türkmenistana we Özbegistana akýan suwunyň 26 göterime çenli azalmagyna garaşylýar. Munuň sebitdäki, onsuz hem ýitileşýän suw üpjünçilik meselesine oňaýsyz täsir ýetirjekdigi, köp ilatly punktlaryň suwsuz galyp biljekdigi duýdurylýar.
Özbegistan häzire çenli munuň bilen bagly aladalaryny birnäçe gezek açyk beýan etdi.
Türkmenistanyň Daşary işler ministrliginiň munuň bilen bagly 7-nji martdaky ilkinji beýanatynda, hususanda, serhetüsti derýalarda gurulýan gidrotehniki desgalaryň dogry işlemegini üpjün edip biljek ýokary derejeli hünärmenler bilen üpjün edilmelidigi; şeýle-de, serhetýaka derýalaryň boýunda ýerleşýän ähli döwletleriň bähbitlerine hormat goýmak, halkara hukugy esasynda we hoşniýetli goňşuçylyk, birek-birege hormat goýmak, deňhukulylyk we aç-açanlyk ýörelgelerine esaslanýan suw çeşmelerini dolandyrmak üçin degişli mehanizmleri döretmek nygtalýar.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň gizlinligini doly kepillendirýär.
Forum