ABŞ-nyň Kaliforniýa ştatynyň Los-Anželes şäheriniň golaýynda 7-nji ýanwarda dörän tokaý ýangynlary dowam edýär. Güýçli ýel we gurak howa şertleri zerarly tizlik bilen ýaýran ýangynlarda azyndan 10 adam öldi, takmynan 180 müň adam ewakuasiýa edildi we 10 müňden gowrak jaý ýandy.
Sebitiň ýangyna garşy göreş gullugynyň resmileriniň aýtmagyna görä, Pasifik-Palisades sebitindäki ýangynda iki adam öldi. Şeýle-de, Pasadena sebitindäki ýangynda ýene bäş adam heläk boldy. Gurak we şemally howa sebäpli iki sebitdäki ýangyn hem häzirlikçe doly söndürilmedi.
Soňky maglumatlara görä, ýangynyň umumy meýdany 117 inedördül kilometre deňdir. Pasifik-Palisadesde 5 müň 300-den gowrak desga, şol sanda öýler, ýedi mekdep, iki kitaphana, bäş ybadathana we bir sinagog ýandy.