Gazagystanyň konstitusiýa kazyýeti Merkezi Aziýa döwletiniň öňki awtoritar prezidenti Nursoltan Nazarbaýew baradaky ilkinji prezident - milletiň lideri (Elbasy) kanunyny ýatyrdy hem-de ony kanuna esasynda kepillendirilen ömürlik artykmaçlyklaryndan we ýeňilliklerinden mahrum etdi.
Kazyýet 11-nji ýanwarda bu çäräniň kanun çykaryjylaryň haýyşy boýunça görlendigini we gelnen kararyň 2022-nji ýylyň iýunynda Nazarbaýewiň adyny konstitusiýadan aýyrýan hem-de onuň “elbasy” statusynyň ýatyrylmagyny tassyklaýan ählumumy referendumyň netijelerine laýyklykda kabul edilendigini aýtdy.
Sorag astyndaky kanun 2000-nji ýylda kabul edildi we Nazarbaýewe, onuň maşgala agzalaryna, watana dönüklik aýyplamasyndan başga ýagdaýlarda, beýleki kazyýet işlerinde ömürlik eldegrilmesizlik durumyny üpjün etdi.
