Owganystanyň demirgazygyndaky Türkmenistan bilen serhetdeş regionlaryň ýaşaýjylary Türkmenistanyň serhedi berkitmek bahanasy bilen öz territoriýalaryny alýandygyny aýdyp, öz nägileligini bildirýärler. Bu maglumaty degişli owgan resmileriniň käbirleri hem tassyklaýarlar.
Şol bir wagtda türkmen-owgan serhediniň garşysyndaky Garkyn etrabynyň ýaşaýjylary eger-de, bu mesele boýunça ýerli owgan resmileri hiç bir çäre görmese, özleriniň Türkmenistana hüjüm etjekdigini aýdypdyrlar.
Bu wakalar barada Azatlyk Radiosynyň Kabuldaky habarçysy Şamerdanguly Myrady giňişräk maglumat berýär. Maglumaty diňlemek üçin aşakdaky düwmä basyň.
