Aşgabatda ýagynly günleriň artmagy bilen, döwlet kärhanalary tarapyndan hödürlenýän IP we kabel telewideniýe hyzmatlarynyň hili ýaramazlaşyp, telekanallara tomaşa etmek mümkinçiligi çäklendi.
Täjigistanda bäş adamdan ybarat bir topar türkmenistanly studenti talady. Bu toparyň Täjigistanyň Içeri işler ministrligi tarapyndan tussag edilendigini, täjik telewideniýesi habar berýär.
Lebap welaýatynyň Türkmenabat şäherinde etiň söwdasyna gözegçilik güýçlenip, söwdegärlerden bahalary aşaklatmak talap edilýär. Bu barada Azatlyk Radiosynyň Türkmenabatdaky habarçylarynyň biri 9-njy ýanwarda habar berdi.
Aşgabadyň Mahmyt Kaşgary köçesiniň ugrunda ýerleşýän hususy eýeçilikdäki ýaşaýyş jaýlaryna sepleşip gurlan goşmaça otaglar, garažlar we ammarlar ýumruldy diýip, “Hronika Türkmenistan” neşiri habar berýär.
Türkmenistanda döwlet eýeçiligindäki taksi sürüjileriniň gündelik dolmaly plan borçnamasy artdyryldy. Şol bir wagtda-da, olara döwlet tarapyndan mugt berilýän gündelik benziniň möçberi azaldyldy. Bu barada Azatlyk Radiosynyň Aşgabatdaky habarçysy 8-nji ýanwarda habar berdi.
Geçen ýylyň dekabr aýynyň ortalaryndan başlap Aşgabadyň halkara aeroportynda ýolagçylar üçin täze talap girizildi. Bu barada “Türkmenistandan alternatiw habarlar” neşiri habar berýär.
Aşgabadyň bazarlarynda Täze ýyl baýramynyň yz ýany, alyjylar göz-görtele azaldy. Söwdanyň pesligi sebäpli käbir satyjylar öz dükanlarynyň gapylaryna wagtlaýyn gulp urdy. Bu barada Azatlyk Radiosynyň Aşgabatdaky habarçysy 7-nji ýanwarda habar berdi.
Türkmenistanda ýaşaýyş jaý tölegi geçen ýyl bilen deňeşdirilende iki esseden hem köp gymmatlady. Geçen ýyl ýaşaýyş jaýyň 1 m2-i üçin 7 manat 40 teňňe töleg alnan bolsa, şu ýylyň 1-nji ýanwaryndan bu töleg 16 manat 90 teňňä ýokarlandyryldy.
Russiýanyň MTS – Mobile TeleSystems – mobil telefon aragatnaşyk kompaniýasy özüniň Türkmenistandaky emläklerini we gurallaryny söküp, ýurtdan çykyp başlady. Bu barada “Intellinews” neşiri habar berýär.
Belarus mediasynda türkmenistanly studentleriň türkmen banklary tarapyndan berlen plastik bank kartlaryndaky puly nagtlaşdyrmakda duçar bolýan kynçylyklary barada habarlaryň peýda bolmagy dowam edýär.
Aşgabatda dollaryň “gara bazardaky” nyrhy gaýtadan ýokarlandy. 28-nji dekabrda “gara bazaryň” söwdegärleri 1 amerikan dollaryny 18-18,2 manat aralygynda satyn alyp, 18,50-18,60 manat aralygynda hem satýarlar.
Türkmenistanyň “Türkmengaz üpjünçilik” birleşiginiň regionlardaky müdirliklerinde gaz ölçeýji gurallar ýetmezçilik edýär diýip, “Hronika Türkmenistan” neşiri öz ýurt içindäki habarçylaryna salgylanyp habar berýär.
Aşgabadyň hususy eýeçilikdäki howly jaýlarynda gaz ölçeýjiler oturdylandan birnäçe wagt soň, ýaşaýjylar olaryň bibatdygyny bilip galýarlar. Bu barada Azatlyk Radiosynyň Aşgabatdaky habarçylarynyň biri habar berýär.
Täze ýyl baýramy mynasybetli geçiriljek dabaralar üçin ene-atalardan pul ýygnaýan mekdep we çagalar baglarynyň ýolbaşçylary Aşgabadyň prokuraturasyna çagyrylýar diýip, “Hronika Türkmenistan” neşiri habar berýär.
Täze ýyl baýramynyň öň ýanynda, Aşgabadyň söwda nokatlarynda has köp harydyň peýda bolmagy bilen, türkmen häkimiýetleri bazarlarda we döwlet eýeçiligindäki dükanlarda polisiýanyň gözegçiligini güýçlendirdiler.
Türkmenistanyň banklary “Western Union” halkara pul geçirmek ulgamy arkaly daşary ýurtlardaky studentlere pul ibermek mümkinçiliklerine täze çäklendirmeleri girizdi.
Türkmen häkimiýetleri raýatlara jerime salmagyň hasabyna döwlet býujetini dolmagyň nobatdaky bir usulyny oýlap tapana çalym edýär. Aşgabadyň polisiýasy köçelerdäki geçmesiz ýerden geçýän pyýadalary awlap, olara jerime salyp başlady diýip, “Türkmenistandan alternatiw habarlar” neşiri habar berýär.
Balkan welaýatynyň Türkmenbaşy şäherinde ulag sürüjileri köp wagtdan bäri bejerilmeýän köçeleriň öz ulaglaryny hatardan çykarýandygyny we munuň käte ýol hadysalaryna sebäp bolýandygyny aýdýarlar.
Azatlyk Radiosynda Lebap welaýatynda A-95 markaly benziniň wagtlaýyn satylyp, soňra ýene bes edilendigi barada dekabryň ortalarynda berlen habardan soň, bu awtoulag ýangyjy gaýtadan ilata elýeterli edildi. Şol bir wagtda, A-80 markaly benziniň we dizel ýangyjynyň gytçylygy saklanyp galýar.
Türkmenistanyň orta mekdeplerinde gyşky kanikullaryň başlanmagyna iki hepdeden hem az wagt galanda, Aşgabat şäherindäki we welaýatlaryň administratiw merkezlerindäki orta mekdeplerde ata-eneleriň ençemesinden öz çagalaryny sagaldyş merkezlerine ibermek talap edilip başlandy.
Ýene-de ýükle
