Ýewropa Bileleşiginiň daşary işler ministrleri Ukrainanyň howa goranyşyny güýçlendirmegi we Eýran boýunça sanksiýalary ara alyp maslahatlaşmak maksady bilen, 22-nji aprelde Lýuksemburgda duşuşýar.
Russiýanyň Ukrainanyň energetika infrastrukturasyna we beýleki nyşanalara howa hüjümlerini ýygjamlaşdyrmagy bilen, ÝB hökümetleri Kiýewi has köp “Patriot” ýaly howa goranyş ulgamlary bilen üpjün etmek babatynda basyş astynda galýar.
ÝB, mundan ozal hem, köpçülikleýin gyryş ýaraglarynyň ýaýradylmagy, adam hukuklarynyň kemsidilmegi we Russiýanyň dronlar bilen üpjün edilmegi bilen baglylykda Eýrana garşy birnäçe sanksiýalary girizipdi.