Aşgabatda dollaryň “gara bazaryndaky” bahasynyň barha gymmatlaýandygy habar berilýär. Mundan bir hepdä golaý wagt ozal, paýtagtda bir dollar 5,80 manatdan satyn alnyp, 6,00-6,20 manatdan satylan bolsa, häzir “gara bazarda” bir dollara 6,20 manat berilýär, degişlilikde bir dollar-da 6,40-6,60 manada satylýar.
Azatlyk Radiosy bu gymmatlamanyň bolaýmagy mümkin sebäpleri bilen gyzyklanyp, Aşgabatda ýaşaýan ýazyjy we synçy Amanmyrat Bugaýew bilen söhbetdeş boldy.
