Prezident Gurbanguly Berdimuhamedow 6-nji noýabrda TOPH, Türkmenistan-Owganystan-Pakistan-Hindistan gaz geçirijisiniň Türkmenistanyň içinden geçýän böleginiň gurluşygyna başlamak baradaky karara gol çekdi.
Bu iş, şeýle-de geçirijiniň kömekçi ýerüsti ulgamlarynyň taslamalaryny düzmek “Türkmengaz” we “Türkmennebitgurluşyk” döwlet konsernlerine tabşyryldy.
Gurluşyk işlerine 2015-nji ýylyň dekabr aýynda başlap, ony 2018-nji ýylyň dekabrynda ulanmaga doly taýýar edip tabşyrmak bellenildi diýip, habarda aýdylýar.
Azatlyk Radiosy bu barada Owganystanyň Kabul uniwersitetiniň Ykdysadyýet boýunça fakultetiniň mugallymy Täçmuhammet Akbar bilen söhbetdeş boldy.
