ABŞ-nyň prezidenti Donald Tramp Ukrainanyň prezidenti Wolodymyr Zelenskiniň, hamala, gazylyp alynýan magdanlar baradaky ylalaşykdan ýüz öwürmek isleýändigini aýtdy diýip, “Roýters” habar berýär.
Hususan-da, ylalaşykdan çekilen ýagdaýynda, Tramp Zelenskiniň "uly kynçylyklara" uçrajakdygyny aýtdy.
"Ol gazylyp alynýan peýdaly magdanlar ylalşygyndan çykmaga çalyşýar, eger ol muny etse, ol uly, uly problemalar bilen ýüzbe-ýüz bolar" diýip, Tramp aýtdy.
"Ol NATO-nyň agzasy bolmak isleýär, ýöne ol hiç haçan NATO-nyň agzasy bolmaz. Ol muňa düşünýär" diýip, ABŞ-nyň prezidenti sözüniň üstüni ýetirdi.
“Financial Times” we “Bloomberg” biraz öň ABŞ bilen Ukrainanyň arasynda baglaşyljak ylalaşygyň taslamasynyň täze jikme-jikliklerini çap etdi.
Donald Tramp mundan öň, “NBC News” habar gullugy bilen söhbetdeşlikde rus prezidenti Wladimir Putiniň Ukrainanyň prezidenti Wolodymyr Zelenskiniň ygtyýarlygyny sorag astynda goýmagyna "gaty gaharlandygyny" we "nägile bolandygyny" aýdypdy.
Ukraianadaky ýaraşyk Russiýanyň günäsi sebäpli baglaşylmasa, Tramp Russiýanyň nebit eksportyna 25% möçberinde ýene bir tarif girizjekdigini aýtdy.