Sepleriň elýeterliligi

Soňky habar

Tramp Maskyň DOGE edarasyndaky iş möhleti tamamlanandan soň, onuň biznese dolanyp biljekdigini aýtdy


Donald Tramp we Elon Mask Ak tamda
Donald Tramp we Elon Mask Ak tamda

ABŞ-nyň prezidenti Donald Tramp Hökümet netijeliligi departamentiniň (DOGE) ýolbaşçysy Elon Maskyň bu edaradaky iş möhletiniň tamamlanmagy bilen, onuň gaýtadan biznese dolanyp biljekdigini aýtdy.

Trampyň sözlerine görä, bu maýyň aýagynda, haçanda Maskyň döwlet edarasyndaky iş möhleti tamamlandan soň amala aşyp biler.

Tramp bu barada Ak tamda žurnalistiň Masky DOGE edarasyndaky 130 gün bilen çäklenen iş möhleti gutarandan soň, häkimiýetde saklamagy göz öňünde tutup-tutmaýandygy baradaky degişli soragyna jogap hökmünde aýtdy.

“Meniň pikirimçe, ol ajaýyp. Ýöne men şeýle-de, onuň dolandyrmaly uly kärhanasynyň bardygyny oýlaýaryn. Şol sebäpli bir pursatda ol yzyna dolanmakçy” diýip, Politico neşiri Trampyň sözlerini getirdi.

Tramp Tesla we SpaceX kompaniýalarynyň ýolbaşçysy Maskyň özüniň hem biznese dolanmak isleýändigini belledi.

Trampyň sözlerine görä, federal edaralaryň başlyklary Maskdan köp zady öwrenip, mundan beýläk onuň başladan işlerini öz başlaryna dowam etdirip bilerler.

Mask Trampyň administrasiýasynda wagtlaýyn döwlet işgäri hasaplanylýar we onuň Ak tamdaky iş möhleti 130 gün bilen çäklenilýär. Milliarderiň wezipe möhleti maýyň aýagynda tamamlanýar.

XS
SM
MD
LG