Siriýanyň de-fakto lideri Ahmed al-Şara täze ministrler kabinetini döretdi. Dabara Damaskdaky prezident köşgünde geçirildi.
Hökümete 23 adam girýär. Olaryň arasynda etnik azlyklaryň wekilleri - alawitler, druzlar we kürtler hem bar. Durmuş we zähmet ministrligine hristian aýal Hind Kabawat ýolbaşçylyk edýär. Ol hökümetdäki ýeke-täk aýal adam boldy.
Goranmak ministrliginiň we Daşary işler ministrliginiň ýolbaşçylary wagtlaýyn hökümetdäki wezipelerini sakladylar.
Siriýada ilkinji gezek sport ministrligi we adatdan daşary ýagdaýlar ministrligi döredildi, oňa “Ak kaskalar” raýat guramasynyň başlygy Raed al-Salehiň ýolbaşçylyk eder.
Premýer-ministriň wezipesini Al-Şaraanyň özi ýerine ýetirer. Kanunçylyk binýady yslam kanunlarynyň kadalaryna laýyk geler.