Rus harbylary 31-nji marta geçilýän gije Harkowy "Şahed" dronlary bilen şyşana aldy, ýaşaýyş jaýlaryna we kärhana zyýan ýetdi, ejir çeken adamlar bar.
Sebit administrasiýasynyň başlygy Oleg Sinegubowyň beren habaryna görä, pilotsyz uçarlar Harkowa bütin gije zarba urdy. Sinegubow üç adamyň ýaralanandygyny aýtdy.
Pilotsyz uçarlaryň biri ussahana binasyna zarba urdy. Harkow şäheriniň häkimi Igor Terekow şäheriň Kiýewskiý etrabyndaky raýat kärhanasyna zyýan ýetendigini aýtdy. Urlan zarbalar üç ýaşaýyş jaýyna, çagalar bagyna, medeniýet we sport toplumyna, awtoulaglara zyýan ýetirdi.
Ir sagat bäş töwereginde iki sany “Şahed” raketasy senagat binasynyň we ammaryň üçegine degip, ýangyn turmagyna sebäp boldy.
Terekowyň habar bermegine görä, öten agşam Harkowda rus pilotsyz uçarlarynyň hüjümleri netijesinde alty partlama boldy.
Rus goşuny 30-njy mart gijesinde hem Harkowa uly dron hüjümini edip, iki Adamyň ölümine, 30 adamyň aýaralanmagyna sebäp boldy.
Hüjümde söwda merkezine, köp gatly ýaşaýyş jaýlaryna, lukmançylyk merkezine we edara binasyna zyýan ýetdi.