Litwanyň Pabrade harby tälim meýdançasynyň golaýynda, ozal ýitirim bolan amerikan esgeriniň dördünjisiniň jesedi tapyldy. Bu barada Birleşen Ştatlaryň armiýasy 1-nji aprelde mälim etdi.
25-nji martda “M88 Herkules” sowutly harby ulag batgalyk bir ýerde gark bolupdy. Gözleg işleri, halkara harby hyzmatdaşlygynyň çäginde, ösen tehnologiýalaryň ulanmagy bilen birnäçe gün dowam etdirildi.
Heläk bolan üç esgeriň jesetleri, mundan bir gün öň tapylypdy.
Olaryň atlary, merhumlaryň maşgala agzalaryndan degişli habar gelýänçä, äşgär edilmeýär.
Heläkçilik bilen bagly derňew işleri dowam etdirilýär. Resmiler bu hadysanyň ýüze çykmagyna sebäp bolan ýagdaýlary, şol sanda şol wagtky howa şertlerini we ulagyň guratlygyny seljerýärler.
NATO-nyň we Ýewropa Bileleşiginiň agzasy Litwada 1 müňden gowrak ABŞ esgeri ýerleşýär.