Gyrgyzystanda gyzamyk keseliniň ýaýramagy netijesinde soňky alty aýyň içinde 3 we 1 ýaşly iki çaga öldi diýip, resmiler 14-nji awgustda aýtdylar.
Iki ölüm hem çagalaryň ene-atalarynyň dini ynançlar esasynda sanjymlardan ýüz öwürmegi bilen bagly boldy diýip, resmiler aýtdy. Saglygy goraýyş ministrligi şu ýyl bu kesel bilen kesellän çagalaryň jemi 1,704 sanysynyň tassyklanandygyny habar berdi.
Gyzymyk bilen keselleýänleriň sanynyň sebitiň beýleki ýurtlarynda hem köpelýändigi aýdylýar. Russiýada 5000-den gowrak, Gazagystanda azyndan 3000 we Täjigistanda ýylyň başyndan bäri 528 çaga gyzamyk keseli bilen keselledi.
Gyzamyk öňüni alyp bolýan, ýöne ýokary derejeli ýokanç kesel bolup, çagany öldürip-de, ömürlik maýyp edip hem bilýär.