Sepleriň elýeterliligi

Soňky habar

BAE-da Özbegistanyň üç raýaty rawwini öldürmekde günäli tapyldy, ölüme höküm edildi


BAE-de öldürilen rawwin Tswi Kogan
BAE-de öldürilen rawwin Tswi Kogan

Birleşen Arap Emirlikleriniň kazyýeti ysraýyl-moldowan rawwini Tswi Kogany öldürmekde aýyplanýan Özbegistanyň üç raýatyny ölüm jezasyna höküm etdi. Özbegistanyň Daşary işler ministrligi bu maglumaty tassyklady. Emma iş bilen bagly jikme-jiklikler entek doly aýan däl.

The Times of Israel neşiriniň maglumatyna görä, bu baradaky karar işe Abu-Dabiniň Federal şikaýat kazyýetiniň Hökümet howpsuzlygy palatasynda garalandan soň çykarylypdyr.

Höküm edilenler: Mahmudjon Abdurahim, 29 ýaşly Olimboý Tohirowiç we 34 ýaşly Azizbek Komilowiç (soňky ikisiniň familiýalary görkezilmedik). Iş bilen bagly ýene bir aýyplanýan, jenaýata şärik bolmakda günäli tapylyp, ömürlik türme tussaglygyna höküm edildi.

Derňew aýyplanýanlaryň rawwiniň gelim-gidimini öňünden yzarlap, oňa hüjümi planlaşdyrandyklaryny anyklady.

Abu-Dabide ýerleşýän “Habad” ýewreý hereketiniň wekili bolan 28 ýaşly rawwin Tswi Kogan 2024-nji ýylyň noýabrynda ýitirim bolupdy. Birnäçe günden soň, onuň jesedi Oman bilen serhediň golaýyndaky Al-Aýn şäherinde tapyldy. The Wall Street Journal neşiriniň maglumatyna görä, ganhorlar ony alyp gaçyp, goňşy Omana aşyrmakçy bolupdyrlar, şeýle-de aýyplanýanlaryň bir bölegi Türkiýede gizlenipdir.

XS
SM
MD
LG