Duşenbe güni geçirilen wideoşekilli iş maslahatynyň dowamynda Gurbanguly Berdimuhamedow bu ugurda öňdebaryjy halkara ylmy merkezler bilen hyzmatdaşlygy ösdürmäge aýratyn üns bermelidigini belläp, bu pudaga gözegçilik edýän wise-premýer E. Orazgeldiýewe, jikme-jikleri aýdyňlaşdyrylmadyk, görkezmeleri berdi.
Bu ýyl Türkmenistanda ýurduň galla plan borçnamasy doly berjaý edilmedi. Bugdaý meýdanlaryndan ýygnalan galla hasylynyň mukdary barada anyk sanlar aýdylmýar. Resmi metbugat ýurtda 1 million tonnadan gowrak galla hasylynyň ýygnalandygyny habar berýär
Mundanam başga, ýurtda un, çörek önümleriniň ýiti gytçylygy dowam edýär.
Türkmen hökümeti un-çörek gytçylygyny boýun almaýar. Döwlet mediasy hem çörek ýetmezçiligi barada maglumat bermeýär.