Geçen hepdäniň ahyrynda Türkmenistanda Bedew baýramçylygy mynasybetli, 23-nji aprelde Aşgabadyň Halkara Ahal-teke atçylyk toplumynda, prezident Gurbanguly Berdimuhamedowyň gatnaşmagynda ahal-teke atlarynyň halkara gözellik bäsleşiginiň jemleýji tapgyry geçirildi. Onda prezident Berdimuhamedowa "toý sowgady" hökmünde sekiz sany ahal-teke aty, milli lybaslar peşgeş berildi.
Şeýle-de, 24-nji aprelde Aşgabatda başga-da ýedi sany at çapyşyk geçirildi. Eýse, bu dabaradyr, çärelere, at çapyşyklara ýaşaýjylaryň barmak, gatnaşmak mümkinçiligi nähili?
Azatlyk Radiosy bu sorag bilen gyzyklanyp, aşgabatly ýazyjy Amanmyrat Bugaýew bilen söhbetdeş boldy.
