Aşgabadyň iň uly bazarlarynyň biri “Mir bazary” paýtagty abadanlaşdyrmak çäreleriniň çäginde gaýtadan abatlamak işleri sebäpli 1-nji sentýabrda ýapylýar. Ilata abatlaýyş işleriniň haçan tamamlanjakdygy barada takyk maglumat berilmeýär.
Aşgabadyň Parahat 1,2,3,4 kiçi etrapçalarynyň aralygynda ýerleşýän “Mir bazary” on müňlerçe adama hyzmat edýärdi.
Eýse, bazaryň ýapylmagy bilen bu sebitiň ýaşaýjylaryna goşmaça bazar hödürlenýärmi?
Azatlyk Radiosy bu sorag bilen gyzyklanyp, “Mir bazaryň” golaýynda ýaşaýan aşgabatly ýazyjy Amanmyrat Bugaýew bilen söhbetdeş boldy.
