Owgan generaly, hökümet goşunlarynyň baş ştabynyň komandiriniň orunbasary Myrat Aly Myrat ýurduň demirgazygyndaky Gunduz welaýatynda möwjäp galan jeňçi söweşleriniň başyny merkezi aziýaly jeňçileriň çekýändigini, has anygy, olaryň bu pitnä ýolbaşçylyk edýändigini aýdýar.
Aýdylmagyna görä, olaryň çaknyşykda heläk bolanlary hem bar, jeňçiler bilen hökümet güýçleriniň arasyndaky söweşler dowam edýär.
Demirgazyk Owganystandaky howpsuzlyk şertleri barada Azatlyk Radiosynyň Kabuldaky habarçysy Şaýymerdanguly Myradynyň taýýarlan maglumatyny diňlemek üçin aşakdaky düwmä basyň.
