Türkmenistanda atyň kulty güýçlenýär, resmi dereje ýylda baýram edilýär, täze at aýlawlary gurulýar, prezidentiň, onuň maşgala agzalarynyň gatnaşmagynda ýaryşlar geçirilýär, olara dürli sylaglar berilýär. Emma munuň bilen bir wagtda hususy atçylygyň ösmän galýandygy aýdylýar. Atçylyk pudagy bilen içgin gyzyklanýan, geçmişde çapyksuwar bolan ýazyjy Amanmyrat Bugaýew Türkmenistanda häzir hususy atçylygyň öňünde duran böwetler barada Azatlyk Radiosyna gürrüň berdi.
