Türkmenistanyň prezidenti Gurbanguly Berdimuhamedow we onuň özbek kärdeşi Yslam Karimow iki ýurduň arasyndaky hyzmatdaşlygyň dürli ugurlary barada maslahat etdiler.
24-nji oktýabrda türkmen we özbek liderleriniň duşuşygynda energetika, nebit, ýangyç, senagat, oba-hojalyk we transport pudaklary boýunça hyzmatdaşlygyň perspektiwalary barada gürrüň edilendigini, Türkmenistanyň resmi metbugatyna salgylanyp Azerbaýjanyň “Trend” habarlar gullugy habar berýär.
Şeýle-de, duşuşykda iki ýurduň liderleriniň Merkezi Aziýa – Ýakyn Gündogar transport we tranzit koridoryny döretmek barada hem gürrüň edendigi nygtalýar.
Özbegistanyň prezidenti Yslam Karimow Türkmenistanyň prezidenti Gurbanguly Berdimuhamedowyň ýörite çakylygy esasynda 23-nji oktýabrda Aşgabada barypdy.