“Turkmen.news” neşiriniň žurnalisti Nurgeldi Halykowyň ýurtdan çykmagy gadagan edildi diýip, garaşsyz neşir 14-nji ýanwarda habar berdi.
Žurnalist 12-nji ýanwarda iş wizasy bilen Birleşen Arap Emirliklerine (Dubaýa) uçmakçy bolanda, oňa uçara münmäge rugsat berilmedi. Halykow Aşgabat howa menzilinde birnäçe sagatlap saklandy we aýratyn otagda soraga çekildi. Ahyr netijede onuň serhetden geçmegine rugsat berilmedi diýip, habarda aýdylýar.
Nurgeldy Halikow 4 ýyl tussaglykdan soň, geçen ýylyň iýunyndan bäri bejergi aldy we sentýabrda, arza bereninden üç aý soň täze daşary ýurt pasportyny aldy, ýogsa bu pasport Aşgabatda adatça bir aýda resmileşdirilýär diýip, “Türkmen.News” onuň 2017-nji ýylda işlän ýerinde, Dubaýda iş tapyp, daşary ýurda gitmekçi bolandygyny ýazýar.
