Gazagystanly aktiwisti Abzal Dostiýarow 4-nji iýulda Astanada iki günlük Şanhaý Hyzmatdaşlyk Guramasynyň (ŞHG) ýygnagy geçirilen wagtynda hukuk goraýjy aktiwistlere edilýän basyş wagtynda polisiýa tarapyndan çagyryldy.
Dostiýarow polisiýa merkezinden gidenden soň, edaranyň metbugat sekretary onuň "öňüni alyş söhbetdeşligi" üçin çagyrylandygyny Azatlyk Radiosyna tassyklady.
13 gün öň Ukrainanyň paýtagtynda oka tutulyp, 1-nji iýulda Kiýewde aradan çykan oppozisiýa aktiwisti we žurnalist Aýdos Sadykowy ýurduna getirmegi we hormat bilen jaýlamagy Gazagystanyň resmilerinden talap edýän aktiwistler 2-nji iýuldan bäri yzarlanýar.
Ukraina žurnalistiň ölümi bilen bagly iki gazagystanly adama şübhe bildirdi.
Gazagystanyň işgärleri derňewde Kiýew bilen hyzmatdaşlyga taýýardyklaryny aýtdylar, emma agzalan iki raýaty Ukraina ekstradisiýa etmekden ýüz öwrüp, Gazagystanyň kanunlarynyň muňa rugsat bermeýändigini aýtdylar.
Dostiýarow we beýlekiler merhum Sadykowyň hatyrasyna matam tutmak planlaryny mälim etdiler.