Prezident Wolodymyr Zelenski Ýewropa liderlerine Ukraina çozan Russiýanyň öňünde ýan bermegiň Ýewropa üçin “öz janyňa kast etmek boljakdygyny” duýdurdy.
Bu duýduryş Kiýewe we Gara deňiz boýundaky port şäherine, Odesa urlan adatdan daşary güýçli howa zarbalaryndan soň berildi.
Zelenski 7-nji noýabrda Budapeştde, Ýewropanyň syýasy jemgyýetçiliginiň duşuşygynda eden çykyşynda öz uruşdan tozan ýurduna has köp goldaw berilmegi baradaky çagyryşlaryny gaýtalady.
Bu çagyryş 27 agzaly bilelşigiň Wengriýanyň beýemçiliginde geçiriljek näresmi sammitiniň bir gün öňünden etdi.
ÝB-niň gezekli prezidentligi häzir Wengriýanyň ygtyýarynda.
Şeýle-de, ol eýýäm, dünýäniň ýüzbe-ýüz bolýan "köp sanly synaglarynyň" arasynda, ABŞ-nyň we Ýewropanyň bir-biregiň bähbidi üçin nähili güýçli bolmagynyň gerekdigi barada ABŞ-nyň saýlanan prezidenti Donald Tramp bilen hem gürleşendigini aýtdy.