24-nji sentýabrda Ysraýylyň Liwana iki günüň dowamynda amala aşyran zarbalarynyň çäginde, Hezbollah toparynyň ýokary derejeli serkerdesi öldürildi. Zarbalaryň netijesinde 560-dan aşa adam heläk boldy, we Liwanyň günortasyndaky müňlerçe ýaşaýjy, barha ýaýbaňlanýan konflikt sebäpli, ýurduň beýleki sebitlerine aşmaly boldy.
ABŞ tarapyndan terrorçy topar hökmünde ykrar edilen Hezbollah 24-nji sentýabrda Ysraýyla garşy onlarça raketany atyp, partladyjylary ýasaýan zawody nyşana aldy we maşgalalary bomba gaçybatalgalarynda gizlenmäge iterdi.
Ysraýylyň maglumatyna görä, harby uçarlar Liwanyň günorta sebitlerindäki we Bekaa regionyndaky Hezbollahyň ýarag we raketa nyşanalaryna garşy “giň gerimli zarbalary” urupdyr.