Ysraýylyň 20-nji oktýabr gijesinde Gazanyň demirgazygynda ýerleşýän birnäçe jaýa uran köp sanly zarbasy azyndan 87 adamyň ölümine ýa-da dereksiz ýitmegine sebäp boldy diýip, territoriýanyň Saglyk ministrligi aýtdy.
Şeýle-de, ministrlik Beýt Lahiýa şäherine urlan zarbalarda 40 adamyň ýaralanandygyny habar berdi. Bu şäher Ysraýylyň bir ýyl töweregi öň başlan ýerüsti çozuşynyň ilkinji nyşanalarynyň biri bolupdy.
Ysraýyl ÝB we ABŞ tarapyndan terrorçy topar diýlip kesgitlenen Hamasyň gaýtadan jemlenendigini aýdyp, soňky iki hepdäniň dowamynda Gazanyň demirgazygynda giň gerimli operasiýa geçirdi.
Palestina resmileri ýüzlerçe adamyň öldürilendigini we demirgazykdaky saglyk pudagynyň çökmegiň gyrasyna gelendigini aýtdylar.