Fransiýanyň “ýokary derejedäki durnuksyzlygy” duýdurmagy bilen, 4-nji awgustda daşary ýurtlularyň Liwany terk etmelidigi baradaky çagyryşlar güýçlendi.
Bu çagyryş Eýranyň we onuň ýaranlarynyň Ysraýyldan görülýän ýokary derejeli adam öldürmlerine jogap bermäge taýýarlanmagy bilen düşündirilýär.
Oktýabr aýynda Gaza söweşi başlanaly bäri ysraýyl güýçleri bilen gündelik diýen ýaly ok atyşýan Hizballah hereketi, Liwan tarapyndan goldanýan söweşiji topar 4-nji awgustda öz nökerleriniň öten agşam Ysraýylyň demirgazygyna täze raketa tapgyryny atandygyny yglan etdi.
Ysraýyl harbylary Liwandan 30 snarýadyň atylandygyny, ýöne olaryň aglaba köplüginiň saklanandygyny aýtdy. Hizballah we beýlekiler tarapyndan görülmegi mümkin uly harby çärä garaşýan Ysraýyl ýokary hüşgärlik ýagdaýynda ýerleşýär.
Ysaýylyň Goranmak ministri Ýoaw Gallant: "Olar bize hüjüm etmäge het etseler, munuň üçin agyr töleg tölärler" diýdi.