Waşington berk talaplaryny aradan aýyransoň Ukraina bilen ABŞ resurslar boýunça şertnama barada ylalaşyk gazandylar. Bu barada “Finansal Taýms” habar berdi, we "Ukrainskaýa Prawda" gazeti ýazdy.
Habar beriş serişdeleriniň maglumatyna görä, bu şertnama Ukrainanyň howpsuzlygy soraglarynda ABŞ-nyň uzak möhletleýin borçnamalaryna ýol açyp biler we urşy bes etmek strategiýasynyň bir bölegi bolar.
Ukrainanyň şertnamanyň ilkinji wersiýalaryna gol çekmekden ýüz öwürmegi Kiýew bilen Waşingtonyň arasyndaky gatnaşyklary ýaramazlaşdyrypdy.
Bu resminama Ukrainanyň daşary işler ministri Andriý Sybiga we ABŞ-nyň Döwlet sekretary Marko Rubio gol çekerler diýlip garaşylýar. Ylalaşyga görä ABŞ we Ukraina rekonstruksiýa boýunça maliýe fonduny dörederler.
Bu gaznany Ukraina we ABŞ bilelikde dolandyrarlar, emma Amerikanyň Birleşen Ştatlarynyň öz kanunlarynyň çäginde karar çykarmaga ygtyýary bolar.
Bu fond Ukrainanyň tebigy baýlyklaryny, portlaryny we resurslar bilen baglanyşykly infrastrukturany satmakdan gelen girdejileriniň 50% -ine eýe bolar.
Dokumente görä, Amerikanyň Birleşen Ştatlary Ukraina aýratyn kesgitlenjek mukdarda kömek bermek üçin maliýe borçnamalaryny öz üstüne alar. Şeýle-de bolsa, şertnamada Zelenskiniň ozal agzan anyk howpsuzlyk kepillikleri ýok.