Howa goranyş ulgamlary Russiýanyň Ukraina ugradan 59 pilotsyz uçarynyň 21 sanysyny urup gaçyrdy diýip, Ukrainanyň harby-howa güýçleri 14-nji noýabrda habar berdi.
Ukrainanyň elektron uruş ulgamlary nawigasiýa ulgamlaryny gysansoň, Russiýanyň galan 38 drony ugur-ýoluny ýitirdi diýip, harby-howa güýçleri aýtdy.
Sebit prokuraturasynyň habaryna görä, rus toplary soňky 24 sagadyň dowamynda Ukrainanyň gündogaryndaky Donetsk sebitiniň Şewçenko obasynda ýaşaýan iki adamyň ölmegine we sekiz adamyň ýaralanmagyna sebäp boldy.
Russiýanyň Goranmak ministrligi öz howa goragçylarynyň 14-nji noýabr güni irden Ukrainanyň iki pilotsyz uçaryny urandygyny, olaryň biriniň Kursk sebitinde, beýlekisiniň Belgorod sebitinde ýykylandygyny aýtdy.