Ukrain pilotsyz uçarlary 21-nji awgust güni irden rus paýtagtyna edilen şunuň ýaly iň uly hüjümleriň birinde Moskwany nyşana aldy diýip, şäher häkimi Sergeý Sobýanin telegramda aýtdy we howa goragçylarynyň 10 drony urup gaçyrandygyny hem sözüne goşdy.
"Bu owal-ahyrda Moskwa pilotsyz uçarlar bilen hüjüm etmegiň iň uly synanyşyklaryň biri boldy" diýip, Sobýanin ýazdy. Ol ejir çekenler ýa çekilen maddy zyýan barada maglumat ýokdugyny aýtdy.
Russiýanyň Goranmak ministrligi ýurduň howa goragy ulgamlarynyň 45 sany ukrain pilotsyz uçaryny urandygyny aýtdy.
"Moskwa sebitinde 11, Braýansk sebitinde 23, Belgorod sebitinde 6, Kaluga sebitinde 3 we Kursk sebitinde 2 dron ýok edildi" diýip, beýanatda aýdylýar.