22-nji iýulda Aşgabatda Parižde geçmeli tomusky Olimpiýa oýunlaryna gatnaşjak Türkmenistanyň milli ýygyndysyny ugratmak dabarasy geçirildi.
26-njy iýuldan 11-nji awgust aralygynda geçjek oýunlara Türkmenistana alty sportsmen wekilçilik eder. Ýagny Türkmenistanyň adyndan zýudo boýunça 2 türgen (Serdar Rahymow we Maýsa Pardaýewa), agyr atletika boýunça 1 türgen (Döwranbek Hasanbaýew), suwda ýüzmek boýunça 2 türgen (Musa Zalaýew, Aýnura Primowa) we ýeňil atletika boýunça 1 türgen (Walentina Meredowa) çykyş ederler.
Türkmenistan garaşsyz ýurt hökmünde Olimpiýa oýunlaryna ilkinji gezek 1996-njy ýylda gatnaşdy. Türkmenistan özüniň ilkinji Olimpiýa medalyny 2020-nji ýyldaky Tokio Olimpiýa oýunlarynda gazandy. Şonda agyr atletikaçy Polina Gurýewa kümüş medal almagy başarypdy.