17-nji iýulda Donald Trampyň saýlawlar boýunça egindeşi JD Wense Respublikançylaryň Milli Konwensiýasynda çykyş edip, özüni tanyşdyrar.
Bu Ohio ştatyndan senator Wensiň, Respublikançylardan wise-prezidentlige dalaşgär hödürlenmeginden soň etjek ilkinji çykyşy bolar.
Onuň syýasy ymtylmalary degişlilikde nämälim. Ol soňky ýyllaryň dowamynda Trampyň ýiti tankytçysyndan, onuň çürt-kesik goldawçysy boldy.
39 ýaşly Wensiň ozalky prezidentiň syýasy hereketiniň nobatdaky mümkin lideri boljakdygy çaklanylýar. Bu hereket Respublikançylar partiýasynyň üýtgemegine we uzak wagtdan bäri saklanyp gelýän syýasy kadalaryň aýrylmagyna getirdi.