ABŞ-nyň saýlanan prezidenti Donald Tramp Russiýanyň prezidenti Wladimir Putin bilen telefonda gürleşip, Ukrainadaky uruş hakynda maslahatlaşdy diýip, “Washington Post” 10-njy noýabrda Trampa ýakyn çeşmelere salgylanyp habar berdi.
“Washington Post” Trampyň Putin bilen 7-nji noýabrda, Ukrainanyň prezidenti Wolodymyr Zelenski bilen söhbetdeşlikden bir gün soň, Floridadan jaň edip gürleşendigini aýtdy.
Gazet ady agzalmaýan çeşmelere salgylanyp, Trampyň Putine Ukrainadaky urşy güýçlendirme diýendigini, şeýle-de, "Ukrain urşy meselesiniň ýakyn wagtda çözülmegi" barada ýene-de gepleşmäge gyzyklanma bildirendigini habar berdi.
Telefon söhbetdeşliginden habarly adamlar gazete Kiýewiň Putin bilen ediljek telefon gürrüňinden habarly edilendigini we muňa garşy çykmandygyny aýtdy.