ABŞ-nyň ozalky prezidenti Donald Tramp wezipesinden gideninden bäri, Russiýanyň prezidenti Wladimir Putin bilen gepleşip-gepleşmändigi barada maglumat bermekden saklandy, ýöne muny amal eden bolsa, munuň paýhasly bir iş bolan boljakdygyny aýtdy.
“Men bu barada teswir bermeýärin” diýip, Tramp Çikago Ykdysadyýet Klubunda geçirilen sorag-jogap çäresiniň dowamynda aýtdy.
“Ýöne size bir zady aýdaýyn, muny eden bolsam, bu akylly bir zat. Men adamlar bilen dostlukly, eger-de adamlar bilen aragatnaşyk saklap bolýan bolsa, bu gowy zat we ýurt derejesinde erbet zat däl” diýip, Tramp belledi.
“Washington Post” neşiriniň žurnalisti Bob Woodward ýakynda çap eden kitabynda Trampyň 2021-nji ýylyň ýanwarynda Ak Tamy terk edeninden bäri, Putin bilen ýedi gezek şahsy telefon söhbetdeşligini geçirendigini ýazdy.
Mundan başga-da, Woodwardyň özüniň kitabynda belleýşi, pandemiýanyň iň ýokary bolan döwürlerinde, Tramp gizlin ýagdaýda Putine COVID-19 test enjamlaryny ýollapdyr.
Trampyň metbugat wekili Stewe Çeung bu maglumatlary ýalan atlandyrdy.