11-nji iýulda Taýwanyň Goranmak ministrligi 24 sagadyň dowamynda adanyň töwereginde Hytaýyň 66 sany harby uçarynyň ýüze çykarylandygyny mälim etdi. Bu şu ýylyň dowamyndaky rekord derejedäki sandyr. Mundan bir gün öň, Taýwan Hytaýyň golaý suwlarda harby-türgenleşik geçirýändigini mälim etdi.
Hytaý öz-özüni dolandyrýan Taýwany özüniň territoriýasy hasaplaýandygyny aýdyp, dowamly adanyň daş-töwereginde harbylaryny saklaýar. Pekin Taýwany öz gözegçiligine geçirmek üçin, güýç ulanmakdan gaýtmajakdygyny hem äşgär edipdi.
Mundan bir gün öň, Tapeýi öz adasynyň golaýynda Hytaýyň uçaryny ýüze çykarandygyny, şeýle-de onuň günbatar Ýuwaş ummanyndaky harby türgenleşiklere gatnaşýan Şandong uçar daşaýja tarap hereket edendigini mälim etdi.