Hytaýyň prezidenti Şi Szinpin Pekiniň Merkezi Aziýa ýurtlary bilen arasyndaky gatnaşyklaryny pugtalandyrmak üçin edýän döwlet saparynyň çäginde Gazagystana geldi. Ol bu ýerde Şanhaý Hyzmatdaşlyk Guramasy (ŞHG) diýlip bilinýän dokuz agzaly bileleşigiň beýleki ýolbaşçylary bilen duşuşar.
Gazagystanyň prezidenti Kasym-Žomart Tokaýew hytaýly kärdeşi bilen 2-nji iýulda, Astananyň halkara howa menzilinde duşuşdy. TASS Şi geleninden gysga wagt soň beren habarynda onuň rus prezidenti Wladimir Putin bilen ŞHG sammitinde, 3-nji iýulda duşuşjakdygyny habar berdi.
Gazagystanyň döwlet habar beriş serişdeleri 2-nji iýulda Şi tarapyndan gol çekilen makalany çap etdiler, hytaý lideri onda iki ýurduň arasyndaky ikitaraplaýyn gatnaşyklary öwüp, "Ýüpek ýoly ykdysady guşagy başlangyjyny özüniň 11 ýyl ozal, Gazagystanda teklip edendigim" nygtady.
Ol munuň "iki ýurduň arasyndaky guşak we ýol hyzmatdaşlygynyň ajaýyp baby" bolandygyny belledi.