8-nji iýulda Russiýanyň Ukrainanyň paýtagty Kiýewe we beýleki sebitlerine uran zarbalarynda azyndan 20 adam heläk boldy. Hüjümde Kiýewdäki Çagalar keselhanasyna hem zeper ýetdi.
Prezident Wolodymyr Zelenski “40-dan hem aşa dürli kysymly raketalar bilen” ýurduň merkezindäki Kiýew, Dnipro, Krywyý Rih, şeýle-de gündogardaky Donetsk sebitiniň Kramatorsk we Slowýansk şäherleriniň nyşana alnandygyny aýtdy.
Kiýewiň häkimi Witaliý Kliçko “Reuters” gullugyna, munuň 28 aý bäri dowam edýän doly gerimli urşuň dowamyndaky paýtagta edilen “iň erbet” hüjümleriň biri bolandygyny aýdypdyr.