19-njy iýulda irden Russiýanyň Dnepr derýasynyň beýleki kenaryndan Ukrainanyň Herson regionyny nyşana almagy netijesinde, gartaşan bir zenan heläk boldy. Bu barada ýerli häkim habar berdi.
Ukrain resmileriniň maglumatyna görä, Russiýanyň Harkiw regionynyň demirgazygyndaky Çuhuýiw şäherine uran zarbasynda azyndan ýedi adam ýaralanypdyr.
Şeýle-de, Russiýa bilen serhetdäki Sumy regionyna amala aşyrylan rus zarbasynda asuda ilatyň arasyndan azyndan bir adam ýaralanypdyr.
Bu aralykda, Russiýanyň Goranmak ministrligi ýurduň Kursk we Belgorod regionlarynyň, şeýle-de okupirlenen Krymyň üstünde Ukrainanyň atan 19 dronunyň urlandygyny aýtdy.