24-nji iýulda Russiýanyň Ukrainanyň regionlaryna uran zarbalary netijesinde azyndan iki adam öldi, başga-da ençemesi ýaralandy, şeýle-de Izmaýildäki Danube port infrastrukturasyna zeper ýetdi. Bu barada regional resmiler habar berýär.
Öten agşamyň dowamynda Russiýanyň günortadaky Herson şäherine uran zarbasynda 77 ýaşly bir aýal heläk boldy diýip, regional harby administrasiýa mälim etdi.
Ukrainanyň ikinji iri şäheri Harkiwa atylan ençeme raketanyň netijesinde, asuda ilatyň arasyndan azyndan bir adam öldi diýip, ýerli häkim aýtdy.
Russiýanyň dronlarynyň günortadaky Odessa hüjüm etmegi sebäpli, däne eksporty üçin möhüm Danube port infrastrukturasyna zeper ýetdi diýip, şäheriň häkimi belledi.