Russiýaly tele-žurnalist, Russiýanyň telewideniýesiniň esaslandyryjylarynyň biri hasaplanýan Nikolaý Swanidze 12-nji sentýabrda Moskwada aradan çykdy. Ol 69 ýaşyndady.
Swanidze agyr hassady, onda ýakynda beýni işemiýasy anyklanypdy.
Ol Russiýanyň Ukraina çozmagyny tankyt etdi. Moskwanyň 2022-nji ýylyň fewralynda hüjüme başlan güni, Swadizde muny “esassyz hüjüm” diýip häsiýetlendirdi.
Mundan birnäçe aý soň, rus prezidenti Wladimir Putin Swanidzeni, şeýle-de başga žurnalistleri we aktiwistleri Adam Hukuklary Geňeşiniň düzüminden çykardy, olaryň ornuna hem urşuň tarapdarlaryny belledi.