Russiýa 10-njy iýulda Ukrainanyň Odesadaky Gara deňiz portuna we beýleki ýedi sebitindäki infrastruktura nyşanalaryna hüjüm etdi diýip, Ukrainanyň howa güýçleri aýtdy.
Ukrainanyň howa goranyş ulgamlary Russiýanyň Odesa, Mikolaýiw, Herson, Dnipropetrowsk, Hmelnytskiý, Çerkasy, Winnytsýa we Riwne sebitlerine gönükdiren bäş raketasynyň üçüsini, 20 pilotsyz uçarynyň 14-sini urup gaçyrdy diýip, Ukrainanyň howa güýçleriniň serkerdesi Mykola Oleşçuk telegram habarynda aýtdy.
Odesa portunyň asmanynda üç sany ganatly raketa we üç sany pilotsyz uçar uruldy diýip, Oleşçuk sözüniň üstüni ýetirdi. Ukrainanyň galla eksporty üçin möhüm port bolan Odesa Russiýa tarapyndan ençeme gezek, gaýta-gaýta nyşana alyndy.