Ukraina öten agşam Brýank sebitine eden hüjüminde ABŞ tarapyndan berlen ATACMS raketalarynyň alty sanysyny ulandy, rus güýçleri bu raketalaryň bäşisini urup gaçyrdy, ýene birine bolsa zyýan ýetirdi diýip, Russiýanyň Goranmak ministrligi 19-njy noýabrda çap eden beýanatynda aýtdy.
Ministrligiň maglumatyna görä, zyýan ýeten ATACMS raketasynyň bölekleri harby nyşananyň üstüne gaçyp, ýangyn turmagyna sebäp boldy. Ýöne bu ýangyn derrew öçürildi diýip, ministrlik pida bolan adamyň bolmandygyny aýtdy.
Russiýanyň RBK habar gullugynyň birnäçe sagat öň, ukrain goşunynyň içindäki habarly çeşmä salgylanyp beren habaryna görä, Kiýew ATACMS raketalaryny ilkinji gezek ulanyp, Russiýanyň günorta-günbataryndaky nyşana, Brýansk sebitiniň Karaçew şäherinde ýerleşýän desga düýpli zyýan ýetirdi.